專家精選文章

見到身邊摯愛唔開心，梗係想即刻支持鼓勵佢哋。之不過，好多人會衝口而出嘅：「唔好喊啦」、「好多人慘過你」、「我都話咗你㗎啦」 等等嘅消極說話隨時造成無形傷害。到底點樣先可以有效安慰至親？今日就提供四個步驟俾大家參考啦！👩🏻‍🏫

1. 先提供安全感，主動展開話題🗣

情緒低落，就好似跌左入無底洞，覺得自己好難走出來，又冇人可以幫到自己。易地而處，我哋首先都要先俾朋友感受到你既陪伴同關心，主動同佢哋分擔：「你最近好似無咩心機喎，不如我哋傾吓計，睇吓點樣一齊面對？」如果朋友唔肯講，千其唔好迫，更唔好表現唔耐煩，俾對方靜落嚟嘅空間 :「唔緊要，我會喺度陪住你，等你想講嘅時候，我好樂意去聆聽。」

.

2. 耐心傾聽👂

呢點好重要，但往往最多人忽略。好多人都會急住發表自己嘅意見，但可能正正係咁令朋友覺得不被理解、不受尊重。當決心安慰朋友嘅時候，謹記將朋友放喺自己之上－從朋友角度出發。要同敞開心屝揭開自己嘅傷疤係一件唔容易嘅事，或者朋友的確有改善空間，或者你只係「為佢好」出於心疼而衝口而出責罵 － 請先忍一忍口，亦唔好壓抑朋友嘅情緒，俾佢盡情抒發；更唔好批評、嘲笑、輕蔑。保持冷靜，認真傾聽－咁做唔單止令你更全面了解事情，作出更準確嘅判斷，朋友亦會感受到你嘅真誠。

.

3. 協助朋友理解自己情緒，舒緩不安🤔

情緒變化冇對錯之分，我哋應該幫助朋友了解同接納自己有唔同情緒，唔好俾佢哋因為「控制唔到」而過份內疚。正所謂「當局者迷」，等朋友好好抒發後，你可以引導佢從負面事情中睇到較正面嘅一面。例如當朋友好努力依然徒勞無功嘅時候，你可以話：「我好欣賞你盡力投入過，雖然未成功，但當中嘅得著必能令你係日後取得成功！」謹記你嘅角色唔係判官，而係陪伴佢嘅同路人，令佢重新振作！

.

4. 提供實際幫助🤝

壓力同困擾好多時都係來自實際生活上嘅問題，所以除咗精神上嘅支持之外，實際上嘅幫助都好重要。我哋可以喺自己能力範圍內提供相應嘅援助，或者等朋友知道佢哋需要幫助嘅時候，我哋會願意幫佢，等佢放心搵我哋。

.

請謹記，如果對方持續出現負面情緒、 甚至透露自殺傾向 ，應該幫佢尋求輔導心理學家等專業人士嘅協助。無論如何，Edge一直風雨不改，與你們同行！

.

希望以上心理學家👩🏻‍🏫小貼士，可以讓你在這艱難的時間扶助身邊的人，使大家都能做個BetterMe！

#做個BetterMe

============================

疫症當前，大家壓力一定好大，一定會受焦慮等負面情緒影響，難以控制。我哋心理學家👩🏻‍🏫可以提供Skype、Zoom等視像輔導服務，幫你逐步處理焦慮，做個Better Me！歡迎Facebook Pm我哋，或者Whatsapp 5539-6773免費傾傾吖。

.

#武漢肺炎#肺炎#口罩#香港人加油#抗疫#勤洗手#武漢#新型冠狀病毒#冠狀病毒#外科口罩#保護孩子#孩子#心理健康#精神健康#視像輔導#網上輔導#聆聽#安慰