心理健康测试
联络我们
我曾经听过为人母亲者：如果小朋友用激烈任性嘅方法提出要求，而你又迁就佢，就等于纵容呢啲行为，第日会后悔。No way! 等我以正视听啦!
家长类型，大致分四种：
1. 🙆🏼♀坚定有威严型 authoritative： 我好清楚俾孩子知道有咩做得、有咩系唔做得。适当时候我会赞，但唔会将孩子捧到上天；惩罚亦会及时，但都会提供机会改善。
2. 🙅🏼♀极权佢大哂型authoritarian：有种「我一定啱，你谂嘅嘢一定无我咁好」嘅心态。孩子嘅感受唔重要，最重要系行我铺嘅路。
3. 🙇♀放任纵容型permissive：觉得孩子「好可爱、仲好细个」，孩子想要咩都会尽量提供；因为孩子系全世界最重要，我咩都会帮孩子做晒。
4. 🤷🏼♀唔关我事型uninvolved：生咗出嚟，我提供左三餐温饱就够喇。就算我唔理你，你自己都会大，最好不好烦到我。
咁唔同类型嘅父母对小朋友有咩影响？讲之前留意以下几点：
– 呢啲类型都唔系绝对嘅，通常都系混合型：譬如七分坚定三分纵容 (或者心情好时纵容型，心情唔好时唔关我事型）
– 没有两个孩子的父母是相同的 no two children have the same parents: 就算系兄弟姊妹，父母都会对唔同嘅仔女有唔同嘅教法（譬如对大嘅严谨，细嘅轻松。又例如新手父母特别紧张，但养好一个、信心大啲，自然会松啲)
– 承上题，你父母当年点凑你唔代表会以同样方式凑你个仔，即使佢当年可能系极权型，到凑孙时就变咗纵容型。所以作为父母俾长老凑时要时先沟通清楚：
对小朋友嘅影响：
1. 🙆🏼♀坚定有威严型authoritative: 我知自己应该做咩唔应该做咩，我有时会捣蛋会发脾气，爸妈罚我嘅时候我都会惊，不过我好清楚讲爸妈都系锡我嘅
2. 🙅🏼♀极权佢大哂型authoritarian：我知道爸妈要我做咩，不过我唔知点解要我咁做，我有啲咩谂法同感受都唔敢表达，因为讲左都无用，爸妈都唔会听
3. 🙇♀放任纵容型permissive：我系全世界最重要嘅，我比其他同学仔朋友仔更叻，我想要嘅嘢要即刻攞到，无朋友唔紧要，反正我一唔开心就有大人会凼番我
4. 🤷🏼♀唔关我事型uninvolved：我系一个唔重要嘅人，唔可以俾麻烦父母，其实心底里我都好渴望关注渴望爱，不过我唔可以表达出嚟，我学识压抑自己去迎合人
睇到呢度, 好明显系坚定有威严最好啦！点解？因为一个字：Validation (发音：花哩地纯；中文系四个字：认同。感受）
重点在下集，请继续收看！
杨健恩
Edge临床心理学家
============================
普及心理 欢迎转载
本篇文章亦于作者个人专页刊登
心理学妈（https://www.facebook.com/onbecomingmama/）
============================
管教孩子，好多时都会好大压力。我哋心理学家可以提供Skype、Zoom等视像辅导服务，逐步教你有效管教，做个无忧父母！欢迎Facebook Pm我哋，或者Whatsapp 5539-6773倾倾吖。
#做个无忧父母#心理健康#精神健康#视像辅导#网上辅导#压力#管教#家长#教养
