想像一下，你喺十五分鐘之後就要公開演講：面對著白茫茫嘅聚光燈、喺眾目睽睽👀之下…
想像一下，你行緊街時突然發現自己個銀包💸不翼而飛…
想像一下，你即將入試場，手攞住課本細心閱讀課文，但睇極都入唔到腦…
想像一下，你面臨著排山倒海嘅工作，但係又唔夠時間做⏰…
想像一下，你準備坐飛機返屋企時，突然間聽到廣播系統宣布你班機被取消，唔知幾時先返到去…
想像一下，最近疫症爆發😷，但你四周圍撲都買唔到口罩…
相信你遇到呢啲情況，都好容易俾壓力掩蓋：個心砰砰跳❤、呼吸急躁、冒汗顫抖唔知點算…
唔洗太擔心嘅！Edge心理學家👨🏻🏫俾啲簡單小貼士你，幫你面對壓力：
1. 首先照顧自己情緒😖
• 同坐飛機嘅安全措施一樣，你有壓力時應該優先照顧自己情緒，之後先去處理問題
• 從心理學嘅角度去睇，當人感到好恐懼或焦慮時，大腦入面用嚟分析嘅部分好似癱瘓咗一樣，令人無法理性咁處理問題👋🏻
• 因此，就算事情同自己屋企🏡人有關，都要照顧咗自己情緒先，之後先諗點樣解決困難
2. 搵人傾計😮，搵自己嘅互助網絡
• 好多研究都指出社交接觸同其他人嘅支持有幫助抗壓
• 當你同人傾計時，腦垂體就會釋放一種叫催產素（oxytocin）嘅荷爾蒙：佢會協助你調節血壓同皮質醇濃度，仲會幫你強化心臟💟，抵抗壓力
• 增強互助網絡，俾你喺有需要嘅時候都可以宣洩情緒，減低壓力
3. 做自己鍾意做🥳嘅嘢去分散注意力
• 花越多時間諗點解決問題，壓力就會越大，所以唸好就開始做啦，唔好重覆不斷反芻
• 同時間，解決問題唔代表唔可以做自己鐘意做嘅嘢。做自己鍾意嘅事會幫你將集中力轉移，避免過份對焦嘅壓力來源，幫助控制焦慮
4. 將壓力視為益友💪🏻
• 有研究指出：相信「壓力對你有害」先係危害你健康嘅罪魁禍首
• 其實壓力係咪真係咁差呢? 無壓力，你肯唔肯開始做公司啲嘢? 無壓力，你會唔會有動力為考試📕溫書? 無壓力，你願唔願意面對問題?
• 壓力俾你嘅身體反應其實可以睇成：你身體幫你準備迎接🙋🏻未來挑戰
• 壓力通常都可以逼到人做啲佢唔想做嘅嘢，而呢啲嘢往往都比較重要
• 亦有研究指出，適量嘅壓力會令你做事效率大增📈
• 將壓力視為一件好事，可能更幫到你面對壓力
5. 正念減壓😴 • 正念減壓 (Mindfulness-based stress reduction, 簡稱MBSR) 練習，有助你同壓力共處
• 忙碌嘅你唔洗擔心，呢個練習只需要騰出你幾分鐘時間🕦
• 等Edge心理學家教你點做呢個練習啦！
合埋雙眼，手放喺腹部上面，慢慢吸一啖氣，俾佢維持兩至四秒，之後再慢慢呼出…
喺過程中，唔需要特別諗啲咩🤯，集中精神感受自己呼吸👃，感受腹部起伏
(如是者重複幾次)，如果被某啲思緒拉走，慢慢返返嚟就呼吸就可以喇
• 正念唔需要有咩工具，只需用簡單幾分鐘時間，就可以幫你放鬆落嚟，並舒緩焦慮情緒
6. 寫低壓力來源📝
• 當人有壓力時，頭腦好多時都會集中唔到，思緒會變得凌亂
• 將要處理嘅嘢一一列出嚟，每次只集中做一件事，因為一心多用會更大壓力更無效率
• 做完一件事就將佢刪去🚫
• 寫低壓力來源會俾自己更清楚知道要做啲咩，俾自己更有系統咁處理問題
用左呢啲減壓方法，相信大家都可以同恐懼焦慮說不！
希望以上心理學家👩🏻🏫小貼士，可以幫到你舒緩壓力，做個BetterMe☺！
#做個BetterMe
============================
疫症當前，大家壓力一定好大，一定會受焦慮等負面情緒影響，難以控制。我哋心理學家👩🏻🏫可以提供Skype、Zoom🧑🏻💻等視像輔導服務，幫你逐步處理焦慮，做個Better Me！😘歡迎Facebook Pm我哋，或者Whatsapp 5539-6773免費傾傾吖。
#武漢肺炎#肺炎#口罩#香港人加油#抗疫#勤洗手#武漢#新型冠狀病毒#冠狀病毒#外科口罩#保護孩子#孩子#心理健康#精神健康#視像輔導#網上輔導#壓力
可靠有用資訊：
Kelly McGonigal: How to make stress your friend (https://www.ted.com/talks/kelly_mcgonigal_how_to_make_stress_your_friend?language=en)
