月供股票大家都知咩玩法，要點係少少、少少咁有紀律地迫自己投資喺啲高增值投資物度，唔駛成日睇住個市，唔覺唔覺咁累積財富。
如果你無乜動力，但又想建立一個高增值嘅習慣，例如閱讀，玩法都係一樣。請跟以下步驟，唔得你話比我知：
1. 數下自己每日有幾多無咗都唔可惜，但有嘅時候又會拎嚟嘥咗（例如碌電話）嘅垃圾時間。記住，時間要夠短，用嚟做咗你想做嘅新習慣都唔辛苦嘅時間。例如大便、等車、搭地鐵、搭船等。因為，辛苦係建立習慣嘅大敵。
2. 喺想建立嘅習慣入面，揀一樣易入口，自己鍾意啲嘅嘢嚟開始。例如你想閱讀，就揀一本自己好想睇又好易睇得晒嘅書。務求得到small win嘅效果，振作士氣。
3. 聽日。話開始就要開始。
4. 由少時間入手，每一日都唔好放棄。例如先揀大便時間，唔碌電話十分鐘唔係好辛苦啫，係咪？
5. 完成咗一部分目標後，一定要即刻獎勵自己。
覺得好濕碎？如果你大便每日十分鐘可以睇到三頁中文書，你計下三個月你睇咗幾多？你幾耐無睇過咁多書？而呢段時間你唔碌電話損失咗啲乜嘢？係咪好辛苦你先？
我有個中學case，係個無動機嘅鹹魚學生，同佢傾完呢啲步驟後，佢一個月後就好沾沾咁同我講，佢竟然用大便同搭車時間睇完咗本想睇好耐嘅科幻小說，三百幾頁。勵志非常，鹹魚翻生。
無咩成本，穩賺不賠嘅嘢，試下無妨。 “Conviction is not about a long-term commitment. It is the first step now and the small steps after.”
蔡博麒
Edge教育心理學家
============================
普及心理 歡迎轉載
想睇埋其他專家貼士，請PM提供電郵地址
留在家中，雖然有機會增值自己，但都會有好大壓力的時候。我哋心理學家可以提供Skype、Zoom等視像輔導服務，幫你舒緩壓力，助你解決問題，做個BetterMe！歡迎Facebook Pm我哋，或者Whatsapp 5539-6773傾傾吖。
#做個BetterMe#心理健康#精神健康#視像輔導#網上輔導#壓力#疫情
