专家精选文章

月供股票大家都知咩玩法，要点系少少、少少咁有纪律地迫自己投资喺啲高增值投资物度，唔驶成日睇住个市，唔觉唔觉咁累积财富。

如果你无乜动力，但又想建立一个高增值嘅习惯，例如阅读，玩法都系一样。请跟以下步骤，唔得你话比我知：

1. 数下自己每日有几多无咗都唔可惜，但有嘅时候又会拎嚟嘥咗（例如碌电话）嘅垃圾时间。记住，时间要够短，用嚟做咗你想做嘅新习惯都唔辛苦嘅时间。例如大便、等车、搭地铁、搭船等。因为，辛苦系建立习惯嘅大敌。

2. 喺想建立嘅习惯入面，拣一样易入口，自己钟意啲嘅嘢嚟开始。例如你想阅读，就拣一本自己好想睇又好易睇得晒嘅书。务求得到small win嘅效果，振作士气。

3. 听日。话开始就要开始。

4. 由少时间入手，每一日都唔好放弃。例如先拣大便时间，唔碌电话十分钟唔系好辛苦啫，系咪？

5. 完成咗一部分目标后，一定要即刻奖励自己。

觉得好湿碎？如果你大便每日十分钟可以睇到三页中文书，你计下三个月你睇咗几多？你几耐无睇过咁多书？而呢段时间你唔碌电话损失咗啲乜嘢？系咪好辛苦你先？

我有个中学case，系个无动机嘅咸鱼学生，同佢倾完呢啲步骤后，佢一个月后就好沾沾咁同我讲，佢竟然用大便同乘车时间睇完咗本想睇好耐嘅科幻小说，三百几页。励志非常，咸鱼翻生。

无咩成本，稳赚不赔嘅嘢，试下无妨。 “Conviction is not about a long-term commitment. It is the first step now and the small steps after.”

蔡博麒

Edge教育心理学家

============================

普及心理 欢迎转载

想睇埋其他专家贴士，请PM提供电邮地址

留在家中，虽然有机会增值自己，但都会有好大压力的时候。我哋心理学家可以提供Skype、Zoom等视像辅导服务，帮你舒缓压力，助你解决问题，做个BetterMe！欢迎Facebook Pm我哋，或者Whatsapp 5539-6773倾倾吖。

#做个BetterMe#心理健康#精神健康#视像辅导#网上辅导#压力#疫情