专家精选文章

见到身边挚爱唔开心，梗系想即刻支持鼓励佢哋。之不过，好多人会冲口而出嘅：「唔好喊啦」、「好多人惨过你」、「我都话咗你㗎啦」 等等嘅消极说话随时造成无形伤害。到底点样先可以有效安慰至亲？今日就提供四个步骤俾大家参考啦！👩🏻‍🏫

1. 先提供安全感，主动展开话题🗣

情绪低落，就好似跌左入无底洞，觉得自己好难走出来，又冇人可以帮到自己。易地而处，我哋首先都要先俾朋友感受到你既陪伴同关心，主动同佢哋分担：「你最近好似无咩心机喎，不如我哋倾吓计，睇吓点样一齐面对？」如果朋友唔肯讲，千其唔好迫，更唔好表现唔耐烦，俾对方静落嚟嘅空间 :「唔紧要，我会喺度陪住你，等你想讲嘅时候，我好乐意去聆听。」

.

2. 耐心倾听👂

呢点好重要，但往往最多人忽略。好多人都会急住发表自己嘅意见，但可能正正系咁令朋友觉得不被理解、不受尊重。当决心安慰朋友嘅时候，谨记将朋友放喺自己之上－从朋友角度出发。要同敞开心屝揭开自己嘅伤疤系一件唔容易嘅事，或者朋友的确有改善空间，或者你只系「为佢好」出于心疼而冲口而出责骂 － 请先忍一忍口，亦唔好压抑朋友嘅情绪，俾佢尽情抒发；更唔好批评、嘲笑、轻蔑。保持冷静，认真倾听－咁做唔单止令你更全面了解事情，作出更准确嘅判断，朋友亦会感受到你嘅真诚。

.

3. 协助朋友理解自己情绪，舒缓不安🤔

情绪变化冇对错之分，我哋应该帮助朋友了解同接纳自己有唔同情绪，唔好俾佢哋因为「控制唔到」而过份内疚。正所谓「当局者迷」，等朋友好好抒发后，你可以引导佢从负面事情中睇到较正面嘅一面。例如当朋友好努力依然徒劳无功嘅时候，你可以话：「我好欣赏你尽力投入过，虽然未成功，但当中嘅得着必能令你系日后取得成功！」谨记你嘅角色唔系判官，而系陪伴佢嘅同路人，令佢重新振作！

.

4. 提供实际帮助🤝

压力同困扰好多时都系来自实际生活上嘅问题，所以除咗精神上嘅支持之外，实际上嘅帮助都好重要。我哋可以喺自己能力范围内提供相应嘅援助，或者等朋友知道佢哋需要帮助嘅时候，我哋会愿意帮佢，等佢放心搵我哋。

.

请谨记，如果对方持续出现负面情绪、 甚至透露自杀倾向 ，应该帮佢寻求辅导心理学家等专业人士嘅协助。无论如何，Edge一直风雨不改，与你们同行！

.

希望以上心理学家👩🏻‍🏫小秘方，可以让你在这艰难的时间扶助身边的人，使大家都能做个BetterMe！

#做个BetterMe

============================

疫症当前，大家压力一定好大，一定会受焦虑等负面情绪影响，难以控制。我哋心理学家👩🏻‍🏫可以提供Skype、Zoom等视像辅导服务，帮你逐步处理焦虑，做个Better Me！欢迎Facebook Pm我哋，或者Whatsapp 5539-6773免费倾倾吖。

.

#武汉肺炎#肺炎#口罩#香港人加油#抗疫#勤洗手#武汉#新型冠状病毒#冠状病毒#外科口罩#保护孩子#孩子#心理健康#精神健康#视像辅导#网上辅导#聆听#安慰