专家精选文章

想象一下，你喺十五分钟之后就要公开演讲：面对着白茫茫嘅聚光灯、喺众目睽睽👀之下…

想象一下，你行紧街时突然发现自己个银包💸不翼而飞…

想象一下，你即将入试场，手攞住课本细心阅读课文，但睇极都入唔到脑…

想象一下，你面临着排山倒海嘅工作，但系又唔够时间做⏰…

想象一下，你准备坐飞机回家时，突然间听到广播系统宣布你班机被取消，唔知几时先返到去…

想象一下，最近疫症爆发😷，但你四周围扑都买唔到口罩…

相信你遇到呢啲情况，都好容易俾压力掩盖：个心砰砰跳❤、呼吸急躁、冒汗颤抖唔知点算…

唔洗太担心嘅！Edge心理学家👨🏻‍🏫俾啲简单小秘方你，帮你面对压力：

1. 首先照顾自己情绪😖

• 同坐飞机嘅安全措施一样，你有压力时应该优先照顾自己情绪，之后先去处理问题

• 从心理学嘅角度去睇，当人感到好恐惧或焦虑时，大脑入面用嚟分析嘅部分好似瘫痪咗一样，令人无法理性咁处理问题👋🏻

• 因此，就算事情同自己屋企🏡人有关，都要照顾咗自己情绪先，之后先谂点样解决困难

2. 搵人倾计😮，搵自己嘅互助网络

• 好多研究都指出社交接触同其他人嘅支持有帮助抗压

• 当你同人倾计时，脑垂体就会释放一种叫催产素（oxytocin）嘅荷尔蒙：佢会协助你调节血压同皮质醇浓度，仲会帮你强化心脏💟，抵抗压力

• 增强互助网络，俾你喺有需要嘅时候都可以宣泄情绪，减低压力

3. 做自己钟意做🥳嘅嘢去分散注意力

• 花越多时间谂点解决问题，压力就会越大，所以念好就开始做啦，唔好重复不断反刍

• 同时间，解决问题唔代表唔可以做自己钟意做嘅嘢。做自己钟意嘅事会帮你将集中力转移，避免过份对焦嘅压力来源，帮助控制焦虑

4. 将压力视为益友💪🏻

• 有研究指出：相信「压力对你有害」先系危害你健康嘅罪魁祸首

• 其实压力系咪真系咁差呢? 无压力，你肯唔肯开始做公司啲嘢? 无压力，你会唔会有动力为考试📕温书? 无压力，你愿唔愿意面对问题?

• 压力俾你嘅身体反应其实可以睇成：你身体帮你准备迎接🙋🏻‍未来挑战

• 压力通常都可以逼到人做啲佢唔想做嘅嘢，而呢啲嘢往往都比较重要

• 亦有研究指出，适量嘅压力会令你做事效率大增📈

• 将压力视为一件好事，可能更帮到你面对压力

5. 正念减压😴 • 正念减压 (Mindfulness-based stress reduction, 简称MBSR) 练习，有助你同压力共处

• 忙碌嘅你唔洗担心，呢个练习只需要腾出你几分钟时间🕦

• 等Edge心理学家教你点做呢个练习啦！

合埋双眼，手放喺腹部上面，慢慢吸一啖气，俾佢维持两至四秒，之后再慢慢呼出…

喺过程中，唔需要特别谂啲咩🤯，集中精神感受自己呼吸👃，感受腹部起伏

(如是者重复几次)，如果被某啲思绪拉走，慢慢返返嚟就呼吸就可以喇

• 正念唔需要有咩工具，只需用简单几分钟时间，就可以帮你放松落嚟，并舒缓焦虑情绪

6. 写低压力来源📝

• 当人有压力时，头脑好多时都会集中唔到，思绪会变得凌乱

• 将要处理嘅嘢一一列出嚟，每次只集中做一件事，因为一心多用会更大压力更无效率

• 做完一件事就将佢删去🚫

• 写低压力来源会俾自己更清楚知道要做啲咩，俾自己更有系统咁处理问题

用左呢啲减压方法，相信大家都可以同恐惧焦虑说不！

希望以上心理学家👩🏻‍🏫小秘方，可以帮到你舒缓压力，做个BetterMe☺！

#做个BetterMe

============================

疫症当前，大家压力一定好大，一定会受焦虑等负面情绪影响，难以控制。我哋心理学家👩🏻‍🏫可以提供Skype、Zoom🧑🏻‍💻等视像辅导服务，帮你逐步处理焦虑，做个Better Me！😘欢迎Facebook Pm我哋，或者Whatsapp 5539-6773免费倾倾吖。

#武汉肺炎#肺炎#口罩#香港人加油#抗疫#勤洗手#武汉#新型冠状病毒#冠状病毒#外科口罩#保护孩子#孩子#心理健康#精神健康#视像辅导#网上辅导#压力

可靠有用信息：

Kelly McGonigal: How to make stress your friend (https://www.ted.com/talks/kelly_mcgonigal_how_to_make_stress_your_friend?language=en)