專家精選文章

我哋Edge👨🏻‍🏫都知道大家近日受疫情影響，日日心驚膽跳，驚自己會被感染。但留喺屋企又苦悶無聊🥱。不如趁今日情人節，我哋同你玩個小小嘅測試，睇下你「愛嘅語言」🗣係咩啦？

有情人👫嘅你：

你同你情人有幾了解對方？有幾明白對方？你知唔知道對方點樣表達對你嘅愛？

單身🙈嘅你：

你知唔知道自己喺一段關係入面需要啲咩？你鍾意嘅人會唔會俾到你需要嘅嘢你？

愛嘅5種語言✋🏻❣(Five Love Languages) 係美國一位牧師Gary Chapman提出。佢認為每個人都會有自己主要同次要嘅愛情語言(Primary and Second Love Language) ，而每個人嘅語言都受佢哋成長嘅經驗同需求影響。

如果情侶知道對方嘅愛情語言💗，就可以更有效咁表達自己對對方嘅愛，令對方更加感受到。即刻測試下你主要同次要嘅愛情語言係咩啦！

https://www.stepfam.org.hk/zh-hant/page6/sub/1

1. 肯定言詞 Words of Affirmation👍🏻

若你愛嘅語言係「肯定言詞」，你鍾意對方用言語👄表達佢對你嘅愛，例如讚美你或者同你講你好重要。一句「我愛你」可能對你嚟講影響好深遠，而冷淡🥶嘅說話亦會對你傷害好大。

2. 精心時刻 Quality Time⏱

若你愛嘅語言😘係「精心時刻」，你鍾意對方同你相處嘅時候會將👀注意力集中喺你身上。你唔希望對方一邊聽你講，一邊做其他嘢。對你來講，同情人一齊參與啲咩活動唔重要，最緊要係可以同佢一齊享受共處嘅時間。

3. 心思禮物 Receiving Gift🎁

若你愛嘅語言係「心思禮物」，你希望對方平時或特別日子時會送啲小禮物俾你。禮物值唔值錢💸對你嚟講唔重要，你覺得對方喺挑選禮物時，如果係按照你嘅需要🙇🏻‍或揀你鍾意嘅嘢，就可以表達到對你嘅思念同愛。

4. 服務行動 Acts of Service💪🏻

若你愛嘅語言係「服務行動」🙏🏻， 你希望對方願意給予你實際嘅幫助。例如喺你病咗嘅時候帶你睇醫生，幫你煮飯，或者幫你維修等等。如果情人好樂意咁幫你做嘢，你就會覺得係愛你嘅表現。

5. 親密接觸 Physical Touch👋🏻

若你愛嘅語言係「親密接觸」，你會希望對方同你有多啲身體接觸。例如你情人多啲擁抱你，會俾到安全感你，亦會令你感受到被愛🥰。 無論你點樣表達你嘅愛都好，最緊要都係人地收到你對佢嘅意思！如果同自己意中人嘅愛情語言唔同 🙏🏻，有機會令到大家無法收到對方嘅愛。呢個小小嘅心理測試就當係Edge心理學家送俾大家嘅情人節禮物，祝福你同你另一半更明白大家啦！👫 武漢肺炎對大家都帶來龐大壓力💀，除了照顧自己的精神健康外(https://www.facebook.com/1858375390920470/posts/2747114985379835/?d=n)，都要記住關心身邊的人，幫助他們渡過這難關。

希望以上心理學家👩🏻‍🏫小貼士，可以幫到你忘記武漢肺炎帶來的壓力，並了解自己同情人，做個Better Me☺！

#做個BetterMe

============================

如欲免費訂閱專業、貼地的心理教育通訊《Edgecation》,

請comment “Edgecation” 或把你的email PM給我們

============================

疫症當前，好多人過份受焦慮等負面情緒影響，難以控制，我哋心理學家可以提供Skype、Zoom等視像輔導服務，幫你逐步處理焦慮，做個Better Me﹗歡迎Facebook Pm我哋，或者Whatsapp 5539-6773免費傾傾吖。

#武漢肺炎#肺炎#口罩#香港人加油#抗疫#勤洗手#武漢#新型冠狀病毒#冠狀病毒#外科口罩#保護孩子#孩子#心理健康#精神健康#視障輔導#網上輔導#情人節#愛#情人#WuhanCoronavirus#ValentinesDay

Photo credits: MonoLiza Shutterstock