專家精選文章

問：「你好！如果我小朋友得20個月，可能有自閉傾向， 同人溝通非常差，都好擔心，好徬徨，應該點？」

補充資料：

1. 未評估。只是健康院醫生轉介，宜家正在輪侯評估中
2. 行路冇問題。未能發出有意思單字，好怕陌生人，出到街連bb話都唔肯講。陌生人撩佢，又唔笑

答： 初步睇，有需要跟進下小朋友說話發展會唔會有啲慢，有冇自閉傾向要全面評估先可以知道。我認為如果唔係排太耐嘅話，你可以繼續等衛生署評估，而衛生署有多方面專業，係做得好全面嘅。 你亦可以去有跨專業團隊嘅私人機構或慈善機構搵合資格教育或臨床心理學家做全面評估。

另一邊廂，治療同訓練我覺得唔駛等，因為大部分研究結果都係越早訓練對小朋友越好，一歲幾都可以開始架喇。 我提議你先搵心理學家見一見先，決定療程同訓練方法。

政府要你有診斷先可以排訓練服務，你可以先選擇慈善機構評估或訓練服務，我可以轉介幾個比你參考，通常都要等一段時間。你亦可以選擇私人服務，等嘅時間會短啲。因為懷疑自閉症嘅小朋友有多方面需要，所以搵機構記得記得：要搵有跨專業團隊同合資格教育或臨床心理學家駐診嘅機構。

希望幫到你﹗
Edge教育心理學家團隊

============================

普及心理 歡迎轉載

想睇埋其他專家貼士，請PM提供電郵地址

讀者如有問題想問專家，歡迎電郵至[email protected]，答案將排期刊登

============================

及早識別和介入對懷疑有困難的小朋友相當重要，只要有合適的支援，SEN小朋友一樣可以在成長路上發光發亮。Edge設跨專業團隊、衛生署認可教育和臨床心理學家，全方位評估並支援有各類困難的小朋友。

想了解詳情，請即Pm我哋，或者Whatsapp 5539-6773。

#做個無憂父母#心理健康#精神健康#視像輔導#網上輔導#壓力#管教#家長#教養#補習訓練#SEN補習#上門補習#ASD#自閉症